د سولې هیلې
تاریخ نشر جمعه ۳۱ اسد ۱۳۹۹ – ۲۱ آگست ۲۰۲۰ هالند
د سولې هیلې
څوک دی دسولې ارمانجن څوک دلته شرخوروی؟
څوک د پردو په لمسه غم پـه لـر او بر خوروی؟
لارې اوږدې دی د کاروان جـــدا ، جدا منزلونه
یو څوک دحشت په مونږ په مکر او هنرخوروی
ښه پــرې پـــوهیږو د دښمن حیله، دوکه پیژنو
دا چې پــردۍ دلته کې کرکه، بـــد نظر خوروی
زمونږ طاقت زمونږ پـه سوله او یووالی کې دی
بیا به د سولې مرغۍ هرې خوا وزر خوروی
دا چې د سیمې زوړ سیاست په بدلیدلو ښکاری
خدای به په مونږ دعدالت او سولې لمر خوروی
اورو جــرس د ستړو ، سترو کاروانونو لـــړۍ
څوک به دې سولې په کاروان باندې اثر خوروی
افغانی څو بـــه دا مظلوم ولس په غم ژړیږی؟
څو به پردی پر مونږه هره ورځ محشر خوروی؟
————
شاعر : سمیع الدین افغانی
۲۱ – ۸ – ۲۰۲۰
م ۰ کال
به آرزوی صلح دایمی در افغانستان. تشکر از دوست گرامی آقای سمیع الدین افغانی . مهدی بشیر
ممنون شما برادر بزرګوار اقای مهدی بشیر
خداوند شما را در حفظ و امان خود داشته باشد سلامتی شما ارزوی ما است کامګار باشید
جناب سمیع الدین افغانی عزیز احساس پاک تانرا می ستایم ، به امید استقرار صلح واقعی در کشور ما.
باعرض حرمت
قیوم بشیر هروی