چې وختونه
تاریخ نشر یکشنبه ۱۳ عقرب ۱۳۹۷ – چهارم نوامبر ۲۰۱۸– هالند
چې وختونه
محترم سمیع الدین افغاني
چې وختونــه يـو پــــه بل پسې سبا شي
حقايق د زمــــانې بــــه بـــرمــــلا شي
چاچې کړي وي خيانت د قام په حق کې
دا حتمي ده چې عالم کې به رسوا شي
د رښتيا کاروان پــه مخه ځي تیریږي
د خائن به دې کاروان نه لار جلا شي
بې لــــه شکه پــــه قوي تکل او عزم
دا تيارې د ظلمتونــــو بــــه رڼــــا شي
دريابونه هــــاند څپاند شي د بزمـــونو
چې عــــزمونه ارادې يې بې ریا شي
ځو پــــه مخه پــــه سراب نه ایساريږو
خيانت کار به مخ تورن نن يا سباشي
افغاني که ورورګلوي موخدای نصيب کړه
د دې خاورې خائنان به رو سيا شي
——
سمیع الدین افغاني
درود به دوست محترم جناب آقای سمیع الدین افغاني ، تشکر از سروده عالی تان . مانند همیشه زیباست. موفق باشید. مهدی بشیر
ممنون شماآقای مهدی بشیر از زحمات تان صحت و سلامتی شما آرزوی ماست . سمیع الدین افغانی