سپین سترګی
تاریخ نشر چهار شنبه ۲۰ جوزا ۱۳۹۴ – دهم جون ۲۰۱۵ هالند
سپین سترګی
سمیع الدین افغاني
۱۰ – ۶ – ۲۰۱۵
م ۰کال
نه منصف دی نه حاکم نه کوم پاچا
بس د هرچا ځینې ځان ګڼي بال
په ظاهربه کړي د سمې لیار خبرې
حقیقت کې دی بې لارې لوی ګمراه
احترام که د حیا بل ورته کاندي
نه پوهیږي په اخلاص دی د بل چا
یو زره قدرې انصاف یې زړه کې نشته
د شخصي ګټو ډاکو دی سم صفا
نه د مشر نه د کشر خیال به ساتي
ورته ښکاري ځان هر چا ځینې دانا
ډیر مضر او شر انداز دی په کارو کې
ځان ته وایی به عالم ، لیډر ، پیشوا
په مجلس کې به په زیر او زور غږیږي
څوک یې نه اوري، کړي خبرې بې مانا
تر پرون پورې په غیرو لار روان وه
اوس سپین سترګی تراشي ځان نه ملا
ربه ته ورته انصاف لږ په نصیب کړې
چې د شر او ګمراهۍ نه شي سیوا
————————
سمیع الدین افغاني
۱۰ – ۶ – ۲۰۱۵
م ۰کال
درود به آقای سمیع جان افغانی ، بازهم مانند همیشه سروده زیبا ، مملو از احساس و عالیست . موفق وسلامت باشید. مهدی بشیر