منمه
سميع الدين افغانی
د يو خوږ غزل په ځواب کې
سميع الدين افغاني
٣ – ٦ – ٢٠١٣م٠ کال
د نشرنیټه : د جون ۱۱مه ، د ۲۰۱۲ میلادی ــ کال
منمه
نه د غماز نه د اغيار منمه
زه دې په مينه کې اقرار منمه
ستا تړمو اوښکو اوسلګو نه لوګی
نور دې خبره په هر بار منمه
ته مې د هيلو ، ارمانو سبا يې
زه دې د مينې انتظار منمه
د هجر شپې په شوګيرو تيريږي
خکه درتلو ته دې تلوار منمه
خدای به رڼا کړي دا تياره وختونه
په محبت کې دې اتبار منمه
وعدې دې ټولې په پلمو تيریږي
هم دې وعدې هم دې انکار منمه
افغاني نشته بې زحمته راحت
ځکه يې مينه کې اسرار منمه
———–
سميع الدين افغاني
دیدگاه بگذارید