عجبو رواجونو
تاریخ نشر جمعه ششم حوت ۱۳۹۵ – ۲۴ فبروری ۲۰۱۷ – هالند
عجبو رواجونو
محترم مصطفی پسرلی
دا د عجبو رواجونو په تصویر کې ورک شوم
زه د پردیو رواياتو په تفسير کې ورک شوم
دا ستا یادونه مې مل شوي پرې زړګی صبروم
ستا د وصال په طمعه داسې يو بهير کې ورک شوم
زه يې د اوښکو په څیر سترګو نه ګوزار غوندې کړم
د ژوندانه په خوند پوه نه شومه شوګیر کې ورک شوم
د غلامۍ د ژوند خندا زه بې ننګۍ ګڼمه
زه د غلام د غلامۍ په تور ځنځير کې ورک شوم
راز مې په سترګو کې ځلیږی ، حال ويلی نشم
زه مې په خپل لیدلي خوب او خپل تعبیرکې ورک شوم
ما به څپو د درویابونو سره لوبې کړلې
اوس د پردو د سوچ او فکر په تدبير کې ورک شوم
تیرو چړو د پسرلي ګوګل پرهر پرهر کړ
زه د دردنو د جهان پدې جاګير کې ورک شوم
مصطفی پسرلی
20/02/2017
غزل
تشکر از جناب محترم مصطفی پسرلی ، بازهم سروده عالیست. موفق باشید . مهدی بشیر