د زړه مینه
تاریخ نشر چهار شنبه ۲۱ نوامبر ۲۰۱۲هالند
نورمحمد غفوری
د زړه مینه
نورمُحـمَدغـفوري
څوک به د نوم هسې په خوله یادوي
زما د هر سلول په زړه یادوي
د خیالي څڼو به د څه ووایم
خیال مې یې هر ويښته ويښته یادوي
چاته د مېنې مينه ټوکې ښکاري
ځینې یې لوړه تر هر څه یادوي
مینان یو بل ته ګواښیږی سره
د غمازانو فتنې نه یادوي
قاضیان د ښکلو پر مخ خولې لګوي
زموږ ګناه بیا، تش کاته یادوي
چې د وفا نښانې نه وی پکې
داسې معشوقې به څوک څه يادوي؟
آشنا راځه د عقل لاره نيسه
رقیب د بد او که د ښه یادوي
د ګډ ارمان سختو شېبو ملګرو!
(غفوری) تاسې پل په پله یادوي
نورمُحـمَدغـفوري
غفوري صاحب، با شعر مقبول پشتو گلهاي باغ ٢٤ ساعت را متنوع و رنگين ساخته ايد.