زه شاعر نه يم خو دا لیکم
تاریخ نشر جمعه دهم ثور ۱۳۹۵ – ۲۹ اپریل ۲۰۱۶ هالند
زه شاعر نه يم خو دا لیکم
داكتر فاروق اعظم ته!
چې د قام د درد او غم ځینې خبر شي
پوه لارښود شي د ټولنې ښه رهبرشي
د حالاتو پیچ او خم ناکام وختو کې
خدمتګارپه صداقت د قام نوکر شي
په چوپړ کې دخپل قام او ولسونو
استواره، پا بر جا په شان د غر شي
بد حالت کې د ولس په غم،غمجن وي
د دښمن مکر، فریب ته لکه سپر شي
قربانې ته شي حاضر د خیر په لار کې
په چوپړ کې دخپل قام د خیرمصدر شي
چې د قام او د ولس په درد دردمند وي
دهیواد دهر خیر خواه د زړګي سر شي
شته اخلاص او علمیت یې په وینا کې
د فاروق اعظم لار ښود ته که نظر شي
———————–
ص سعیدي
۲۸ – ۴ – ۲۰۱۶
م ۰ کال
شکر جناب آقای سعیدی ، سروده زیباست . موفق باشید. مهدی بشیر