۲۴ ساعت

دکرکټ دبریا جشن

تاریخ نشر دوشنبه ۲۱ جدی  ۱۳۹۴ – ۱۱ جنوری  ۲۰۱۶ هالند

دلوګر سلګونو تنو اوسیدونکو دکرکټ دبریا جشن ولمانځل

شیرمحمد امیني ( ستانکزی )

دافغانستان دکرکټ ملي لوبډلې د زیمبابوی هیواد پروړاندې؛ چې د شارجې په ښار کې د۵۰ آوریزواو ۲۰ آوریزو سیالیوپه ګټلوسره دبریالیتوب جام ترلاسه کړل، نن دپل علم ښاراوسیدونکودغه ستربریالیتوب دسپورټ په ډګرکې په آټنونواوخوښیو ولمانځل.

ددغوځوانانوشمیرسلګونوتنه ته رسیدل، چې دښارڅلورلارواوجادوته راوتلي له ځانونه سره يې دافغانستان ملي بیرغ لیږدول اوهیوادوالوته ددې سترې بریا مبارکي  ترڅنګ ؛ ژوندي دې وي دافغانستان میړني اتلان، ژوندی دوي افغانستان اوپه هیوادکې دسولې، ملي یوالې او دامنیت ټینګښت شعارونه ورکول، چې دغه ځوانان دښاردهټیوالو او نورواوسیدونکولخوا په کلکه توګه بدرګه کیدل.

دښارڅوتنواوسیدونکي چې ډیرخوښ اوخوشحاله بریښیدل؛ زمونږخبریال ته وویل، چې زمونږملي اتلانونړیوالوته خپل میړانه اواتلولي په ډاګه وښودل، چې افغان غیرتي ولس لکه څنګه چې ځلانده تاریخ له ځانه پريښې همدارنګه دلوبوپه ډګرکې هم سترویاړخپل هیوادوالولپاره ترلاسه کړل، لوګري ځوانانو دغه سترویاړاوبریالیتوب دهیوادپه امنیت،ملي ثبات، بیارغوونې اوجوړونې لپاره یونیک پال وګڼل، چې ډیري ځوان به وهڅیږي، دافغانستان  ملي ګټوته  درناوی او په دې لاره کې نه ستړي کیدونکې هلې ځلې ترسره کړي.  دغو ځوانانو د وسلوالومخالفوډلوڅخه هم غوښتنه وکړه، چې راځئ، دپلرونواونیکوسرښندونوته په درناوي؛ څنګه چې نن سره راټول شوي یو، نورجنګ اوجګړوته دپای ټکی کیږدئ او ورته جشنونه دورورولۍ او دیوالې چترلاندې ولمانځو، ترڅوزمونږهیوادوال دشته ناخوالواوبدبخیتو څخه خلاصی ومومي .

دویلو وړ ده، چې دکرکټ ملي لوبډلو پنځه ۵۰ آوریزې او دوه ۲۰ آوریزې سیالۍ دزیمبابوی هیواد پروړاندې ترسره کړې، چې د ۵۰ آوریزو؛ درې سیالۍ اود دواړه ۲۰ آورزیزې  سیالۍ دافغانستان ملي لوبډلو په بریالیتوب  او۲ د الکوزي جام په ترلاسه کولوپای ته ورسیدې.

شیرمحمد امیني ((ستانکزی))