هالينډ ميشت افغان ډاکټر خوشحال مکمل
تاریخ نشر دوشنبه دهم قوس ۱۳۹۳ – اول دسامبر ۲۰۱۴ هالند
هالينډ ميشت افغان ډاکټر خوشحال مکمل له لوري مرسته وشوه
راپور: عزيزالرحمن ذکي
هالينډ ميشت افغان ډاکټر خوشحال مکمل د ۱۳۹۳ ل ل کال د ليندۍ په شپږمه د لغمان سرې مياشتې نماينده ګي د ځوانو رضاکارانو روزنيز کلوپ سره دوه پايې ليټاپ کمپيوټرونه، د لغمان عامې روغتيا رياست سره د يو شمېر طبي سامان الاتو، د لغمان ولايت عليشنګ ولسوالۍ او لغمان مرکز پورې اړوند قريو کې له 30 تنه بېوزله ځوانو کونډو سره د خياطي 30 پايې خياطي ماشينونه او 200 متره ټوکر مرسته وکړه، د يادونې وړ ده چې له ځوانو کونډو سره يې تير 1392 کال کې هم 25 پايي د خياطي ماشينونو مرسته کړې وه.
دا مرستې ددې لپاره دي چې بې سرپرسته ځوانې کونډې پرې د خپلې کورنۍ اقتصادي ستونزې حل کړي په همدې ډول د لغمان مرکز علي خېلو اړوند په ورزشي ټيمونو يې د ورزش لوازم هم ووېشل، د يادونې وړده چې پدې موقع د لغمان منتخب وکيل الحاج نقيب الله محبت ورور د لغمان قومي شورا غړی الحاج ګلزاده محبت، د علي خېلو د قريې ملک الحاج لعل آغا او د ختيځې حوزې سرې مياشتې د ځوانانو او سستم عضويت ساحوي مسؤل اجمل همدر هم موجودل ول، ډاکټر خوشحال مکمل يواځينی لغمانی دی چې کله له هالينډ څخه لغمان ته راځي نو له ځانه سره د اړمنو او ځوانانو د تشويقولو په موخه مرستې راوړي، له بهر مېشتو ټولو افغانانو څخه هيله لرم چې کله خپل هېواد ته راستنېږي نو زکات او صدقات دې په خپلو اړو افغانانو وويشي.
يادښت: د يادونې وړ ده چې د خياطي ماشينونو د تهيه کولو په موخه افغان تجارانو هريو ايمل بارکزي، 500 امريکايي ډالره، مصطفی صافی 500 اسټريالي ډالره او ښاغلی پسرلي 200 اسټرليالي ډالره مرسته کړې وه.
د لغمان خلک دغه مرستې ستايي او لدې ډول بشردوسته انسانانو څخه يې د اړمنو او بېوزلو د لاسنيوي د دوام لپاره غوښتنه کوي.
راپور: عزيزالرحمن ذکي
خپلواک ژورنالست
دوست عزیز ، جناب ذکی عزیز ، گزارش عالیست. موفق باشید.
مهدی بشیر
مننه محترم ذکی صاحب دتاسو لطف او مهربانی څخه !