۲۴ ساعت

دافغانستان داسلامي دولت د مشرانو جرګې ته

   تاریخ نشرپنجشنبه  ۴ اپریل ۲۰۱۳ هالند

بسم الله الرحمن الرحیم

دافغانستان داسلامي دولت د مشرانو جرګې ته سرخلاصی لیک

دافغانستان داسلامی دولت د  ملي شوراء د مشرانو جرګې محترم رئیس محترم فضل هادی مسلمیار السلام علیکم و رحمه الله و برکاته

دډیرې خوشحالی ځای دې چې دلته  او هلته د ملت آواز آوری او خپل رسالت اداء کوی.  تاسې ته دافغانستان دخلکو او خاورې د خدمت په لارکې بریاوی دالله تعالی له درباره غواړم.

مونږ ټول په دې باور لرو چې په دې وطن او ملت ښې او بدې ورځې تیرې شوي او اوس یې هریو او هرڅوک آزمویلي او خپل دوست او دښمن پیژني. دافغانستان خلک د شاه شجاع او دنورو خاینو افرادو او دخپلو باتوران او خادم مشرانو چې لست یی خورا اوږد دی، ښه پیژندلي او خپل دریځ یې دهغوی پر وړاندې، د تاریخ په اوږدو کې په روښانه توګه او په پوره میړانه،  لرلای او لري.

د «ډیورندلاین»خیالی اوتحملي کرښه  دی فکتو  او   دی یوره  اعتبار نه لري او نه شي لرلای. دا دناسور زخم هغه زخم دې چې زمونږ ملت پرې دادی ۱۲۰ کاله کړیږې او ربړیږي. د تاریخ په اوږدو کې دا ملت او مشرانو يې دا کرښه غندلی او نه ده منلی. حتی دهغه نوم یی اجنبی ایښی او عملاً یی رده کړی.

پاکستان په دې ټولو پوهیږي او وتوانیده او توانیدلای د افغانستان د خلکو د مجبوریتونو نه غلطه ګټه پورته کړي او همدا اوس مجبور افغانان د خپلو اهداف لپاره په لومو کې ساتي  او سؤ استفاده ترې کوي. د افغانستان حاکمیتونه يې دتاریخ  په اوږدو کې په مشکلاتو مواجه کړي،  قومی او سمتی تربنګنیو ته يې په ښکاره توګه لمن وهلی.   

پاکستان به ترهغه افغانستان او دهغه خلک زوروي  ترڅو خپلو لنډمهاله او  اوږد مهاله  شومو اهدافو او موخو ته ورسیږي. اوبیا چې یو هدف یی تر لاسه شو، د نور اهدافو او موخو پلی کول به غواړي.

تیر تاریخ او په ځانګړي توګه د تیرو یولسو  کلو تجربه  د پاکستان د فتنې او دومخې سیاست یو عمده او روښانه بیلګه ده چې حتی  دافغانستان – پاکستان  د لندن په کنفرانس کې  هم داسې ښکاره شوه چې پاکستان خپلی ناروا هلو ځلو ته په هر قیمت ادامه ورکول غواړي.  دافغانستان او نړۍ خلکو د دوکې او رنځ پروسه د پاکستانی دومخه سیاستو له کبله او دهغوی د فنتو  پروسه په  شدت ادامه  لري. دافغانستان  او سیمو خلکو په دې لار کې ددې سیاسیتو  قربانی دي او دا لړی او تراژیدي لیا ادامه لري. 

په دې لړ کې ستاسې د روان ۱۳۹۲ هـ ق کال د حمل د ۱۳ نیټې (۴/۳/۲۰۱۳) د هغې اعلامی په کلکه ملاتړکوو چې د پاکستان دحکومت د هغو استحکامی اقداماتو د غندنې په اړه مو صادره کړې چې د « ډیورند لاین»  دکرښې په شاوخوا کې د پاکستانی تأسیسات غندنه او ددې وروستیو فتنو او تجاوز ونو غندنه او درونه په کې شوې.

اما ستاسې په دې اعلامیه کې یو متن داسې راغلای: « … منابع رسمی کشور اطلاع حاصل نمودکه از مدتی به این سو نظامیان پاکستانی در امتداد دیورند خط ، درنزدیکی ولسوالی گوشته ولایت ننگرهاراقدامات نظامی نموده وطبق اطلاع قوماندان پولیس سرحدی، نظامیان پاکستانی حدود یکصد متربه خاک افغانستان نفوذ نموده ومصروف اعمارتأسیسات واستحکامات نظامی می باشند.

ستاسی داعلامی به پورتنی متن کې ده په سره خط او غټ خط ښودل شي ځایونه درسته او دقیق افاده نه بولم او دهغو په هکله ستاسې لیا دقت او پام اړول غواړم.

د« ډیورند لاین» هماغسې چې رسمی اسناد هم وایی یوه خیالی او فرضی کرښه وه چې د انګلیس داستعمار لخوا د کاغذ پر مخ ایستل شوی وه او حتی  د ۱۲نوامبر ۱۸۹۳ ز  کال نه تر ۱۸۹۷ ز   کال پوری عملاً هم نښاني او تعینه نه شوه. او افغانی امیر په ډیروموارد کې اعتراض کړای چې داهغه نقشه نه ده چې سرتیمار دیورند ورته ښودلې وه.

دافغانستان د اومې دورې پارلمان دا او نورې مربوطې توافق نامی ردې او منسوخې کړې او په قانونی لحاظ ورته د پای ټکی کیښودل شو. نور مجهول والی او د تفاهنامې پروسیجری او قانونی منسوخ والی نه پرته دکرښه ملت نه ده منلی او اعتبار نه لري. اما تاسې ورته د تردید نه پرته جمله رواستې ته ده. په کار وه او په کار ده چې دا متن په هغه قوسونوکې چې د«په اصطلاح د دیورند کرښه» معنی لري راوستل شي.

دوهمه خبر اومطلب ستاسې د هماغې جملې وروستی بند او برخه ده. چې هلته افاده کوی چې پاکستانی پوځیانو تقریباً سل کیلو متره افغانی خاوری ته داخل شوي او استحکامات او دیوارونه جوړوي.  دا افاده هم له سره غلطه ده. (مونږ دې دا تورې کرښې نه پيژنو – د دیوالو خبرې څه له کوې؟   مونږ له سره د «ډیورند لاین» په رسمیت نه پیژنو او تر اټکه او ګوملی د افغانستان تأریخی  او نه بیلیدونکی سیمه او مځکه بولو او تاسې په خپل پورتنی متن کې د سل کیلو مترو خبر مطرح کوې. پاکستان د افغانستان یو غټه برخه ( ۱۲۴ زره  کیلو مترمربع ) مځکه قبضه کړې او تاسې هغه په سل کیلو متر شاوخوا کې خلاصه کړه. داسې افادې تاریخي مسؤولیت لري او امید چې ورته دقت وکړئ. افغانستان له قحط الرجال سره مواجه نه دې. په کار ده چې په داسې تاریخی مهمو مسایلو کې پوره پوره دقت وشي د مدرن دولتداری اصول داسې مراعات شي چې په فني مسایلو کې د سیاسي مراجعو او علمی او تحقیقي مراجعو پوره او عملی راوبط او همکاری تأمین شي.

پای

a.latifi@parliament.af  دافغانستان درپارلمان بريښنالیک   /  تیلفون سعیدی ۰۰۴۴۷۸۸۶۴۷۴۶۳۸