۲۴ ساعت

تاریخ نشر پنجشنبه ۲۱ فبروری  ۲۰۱۳ هالند

دوکتور صلاح الدین سعیدی – سعید افغانی

 دوکتور ص سعیدی

20 / 2 / 2013

***

دپاکستان صدراعظم ښاغلي راجا پرویز اشرف د حزب وحدت د مشر ښاغلي محقق دسفر به موخه (20 / 2 / 2013  ) ښاغلي محقق ته ډاډ ورکړ، چې په افغانستان کې به دداسي سولې ملاتړ کوي چې ټول قومونه یې مني !

سوال داسې پیدا کیږي چې د پاکستان صدراعظم ولې افغانستان کې د قومونو پر اساس دحق او حقداری خبرې او طرفداری او داسې د حقوقو او نړیوالو اصولو خلاف اظهارات او لوبې کوي او هغو ته لمن وهي؟ دې کار کې د پاکستان څه هدف دی؟  او ولې اوس بیا دا تیاتر ته  پدی شکل ادامه ورکوي ؟

 پاکستان ولې د افغانستان د خلکو د تابعیت اصل  او دافغانستان دوګړو  د حق دملاتړ خبر نه کوي چې دقومونو اصل باندې تأکید لري؟

آيا داکار ددې مانا نه لري چې دوحدت ګوند د جناب محقق په مشرۍ دقومی اومذهبي اصولو پر اساس جوړ شوې او فعالیت کوي او داکار دافغانستان د نافذه قوانینو او احزابو دقانون خلاف یو ګوند دی؟ سوال داسې پیدا کيږي چې آیا د افغانستان قوانین دا اجازه ورکوي چې د قوم او سمت په اساس سیاسي ګوند ثبت او راجستر شي او فعالیت وکړي؟ آیا د افغانستان دعدلی وزارت چې سیاسي ګوندونو ته ثبت او راجستر او جواز ورکړای او عدلی او قضایی ارګانونه په دې برخه کې بیده او دالري معاشونه اخلی او چوکۍ ساتي که قانون تطبیقوی؟

دقومي، مذهبي، سمتي پارونو او تبعیضونو پر اساس  حزب  اوسازمان دمربوطه نافذو ملی او نړیوالو منل شوو قوانینو خلاف کار دې او باید داسې په تعصب بناء شوی ګوند او سیاسي احزاب باید غیر قانون اعلام او ړنګ شي.

د پاکستان لخوا داسي دقانون او حقوقو په تطبیق کې د قومی اصل او تفرقې ته لمن وهنه  د پاکستان ښکاره فتنه ده او بس !

دپاکستان  موخه روښانه ده هغه دا چې پاکستان د افغانستان او سیمې خلک په هر نامه جنګوي او او  آرام ته يی نه پریږدي ترڅو د هرې نا آمنی نه د خپل په ګته استفاده وکړي.

باید وویل شي چې دا حالت د  حاجی محقق د وحدت ګوند قومی بڼه او اساس ثابتوي او د قانون خلاف دی او دپاکستان د صدراعظم داسې  تأکید خطا په دې دی چې د قانون دتطبیق مسألې ته د قوانینو او مدني اصولو په خلاف قومی بڼه ورکوي.

مونږ په دې باور یو چې قانون د هغه تطبیق او متخلف قومی، منطقوی، سمتی او د رنګ او څیرې هویت نه لري او دا برخورد د ملی او نړیوالو نافذو قوانینو لخوا  منع،  نادرسته خبر او ددې  قوانینو خلاف برخورد او تحریک دی..

بله عجبه خو داده چې شخصي فرد او سیاسي شخصیت یعنی حاجي محقق ته د پاکستان  د صدراعظم او دپاکستان دخارجه چارو وزیره او نور لوړ رتبه دولتی او حکومتی مأمورین  دصدراعظم په دفتر کې   رسمی ناسته، ولاړه او کتنه  کوي؟  دا خبر ددې ثبوت دی چې  یا خو  پاکستان د رسمي پروتوکولونو پر  اصولو نه دي خبر. یا داچې د افغانستان د تفرقې اچونې مسایل ورته اساسي خبر ده چې د افغانستان بې ثباته کول ورته د هر دیپلماتیک اصولو او پروتوکولونو نه پورته او  لوړ دي. کیدای شو داخبرې په پټه کې اجرا شوې وای  خو داسې ښکاري چې پاکستان به دلهی کې  د  افغانستان،  هند او امریکې  د نننیو ( 20 / 2 / 2013 ) ناستو، دهمکاریو د خبرو اترو او د روابطو د انکشاف د ځواب به توګه  نړۍ او افغانستان ته خبرداری ورکول غواړي. پاکستان داسې پوهول غواړي چې پاکستان داامکانات هم لري چې  ددینی افراطي ډلو په څنګ کې حتی قومی تربګنی هم په افغانستان او سیمه کې جنګولای شي او په دې توګه  افغانستان او سیمه په دې اور کې هم سوځولای شي.

داسې ښکاري چې پاکستان به هڅې وکړي چې  د افغانستان، امریکی او هند د اړیکو د پراختیا په صورت کې به  په افغانستان کې خپلو خرابوکاریو ته د ایران په هماهنګی،  قوت ورکړي او دسیمې حالات او وضعه به بل خطرناک پړاو ته انکشاف ومومي.

 دپاکستان صدراعظم ددې پر ځای چې د حاجي محمد محقق ته دده د پاکستان د سفر په موخه د کوټې په پـــﯧــښه کې دهزاره ګانو پر وژل کﯧــدو خپګان ښکاره کړي، فتنه ګري او تلویزیونی نمایش ورکړي، پکار ده دمتخلف او مجرم دنیولو او ددې کار دعملي مخنوي مؤثر اقدامات وکړي.

مبصرین په کلکه په دې باور دي چې پاکستان هغه څه چې وایي هغه نه کوي او هغه څه چې نه وایی او دخپلو ناجایزو اهدافو او خواستو  سره یی برابر دي په هر قیمت کړي او کوي.  داسې تحریکات او اقدامات د پاکستان د پخوانیو دوه مخه او دافغانستان او نړیوالو اصولو پر خلاف دپاکستان  ضد عمل  یوه بله مستنده مداخله او تخلف دی، چې افغان چارواکو ته په کار ده په دې مورد کې خپل اعتراض پاکستاني لوري ته اظهار کړي او د نړیوالو پام  دې خبرې ته را وګرځوي.

خبره داده چې دپاکستان  دولت او په خاص ډول ملکي حکومت پراوضاع باندې اصلی کنترول  له لاسه وړکړای. په دې برخه کې په ریښتني ډول  دخپلو روزل شوو افرادو کنترول دلاسه ورکړای او دکنترول توان او علاقه نه  لري او نه غواړي دمشکل سره ځان مواجه کړي، خو دهغوی په جهت او لوري ورکونه کې چې هلته او دلته د افغانستان او هند په ضد وکاروي او ور سره معامله وکړي، لاتراوسه  لاس بری لري او په دې چل، فریب او دوکه د نړۍ نه امتیاز او جزیه اخلي او دې کار ته به ادامه ورکړي.

هو د پاکستان  اصلی حاکمیت د نړۍ  په خرابی او ورانکاری کې سهم اخیستلای شي او اخلي. داکار به تر هغه ادامه ولري ترهغه چې په دې برخه کې نړۍ د شف شف ویلو نه لاس واخلي او دحل  اساسي  اقدام په کولو ددې انساني تراژیدي مخه ونیسي.

نړۍ به هلته دامشکل حل کړي چې  ددې سرطانی غـدې یعنی پاکستان اساسي چاره وکړي 

وطنوالو ته پکار ده چې د دینی، مذهبي، قومي اوفرقه ای تاجرانو اصلي څیرې وپیژني او خلکو ته افشا او تجرید کړي.

مسلمان سره ورونه او خویندې دي. انسان سره برابر دي او مقرب ترین د انسانانو الله تعالی، متقی ترین دهغوی دی.   

پای