خیالی شیبې
تاریخ نشر چهار شنبه ۲۱ نوامبر ۲۰۱۲هالند
سميع الدين افغانی
خیالی شیبې
سمیع الدین افغانی
۱۹ – ۱۱ – ۲۰۱۲
تیر د وختونو څه مده غوندې شوه
د یار ګیله راته پلمه غوندې شوه
ولاړم تر کلی او ګوڅو د دلبر
چیرته چې ښه هلته مې شپه غوندې شوه
د ډیر کلونو او وختونو وروسته
خدایږو چې ماته مې توبه غوندې شوه
ماچې حساب کې د پردو ګڼله
هغه صنم د خندا شنه غوندې شوه
نور ستړی ستړی په میرو کې نه وم
په خپل مالت کې مې دمه غوندې شوه
د زړګی راز یې را څرګند کړ راته
چې بې نقابه راښکاره غوندې شوه
ما هم اظهار ورته د مینې وکړ
هغه ښکلا چې مې میلمه غوندې شوه
خوږې خبرې د خوږلنې اشنا
د زړه دنیا د زړه کعبه غوندې شوه
خیالی شیبې هغه خواږه وختونه
اوس راته پاتې خاطره غوندې شوه
———-
سمیع الدین افغانی
بسيار مقبول است، سايت ٢٤ ساعت را رنگين ساخته ايد.
موفق باشيد محترم افغاني صاحب.