ازمون
تاریخ نشر دوشنبه پنجم می ۲۰۱۴ هالند
محترم سمیع الدین افغانی
ازمون
سمیع الدین افغانی
۵ / ۵ / ۲۰۱۴ م۰ کال
***
څه رنګینه شان موقه ده
د تاریخ حساس شیبه ده
سرنوشت په بله اوړی
د افغان د ژوند صفحه ده
زما ، ستا چې د لسیزو
د حالاتو نه ګیله ده
اوس راپاڅه لاس په کار شه
چې د مرګ او ژوند کیسه ده
ښه یې وینو چې ډوبیږو
لا هم وینه مو سړه ده
د افغان نسل ورکیږی
ترې نه پا ته قافله ده
نن د وخت بدنام سالار بیا
د ولس په سره دعوه ده
سره یو شئ چې ورکیږو
د غلیم سره مو شپه ده
شهامت موږ ته پکار دی
چې ویرجنه سلسله ده
سرنوشت خپله په لاس کړئ
د پردو نه څه ګیله ده
که یو نه شو نو ورکیږو
پکار عزم اراده ده
اوس لا هم زموږ د نیکونو
لوټه شوی حماسه ده
پوه رهبر درول عواړو
دا مو عزم اراده ده
اتفاق نه هر څه جوړ شی
د یووالی لار کره ده
افغانی په دې موقه کې
ورور ګلوۍ اصلی چاره ده
——–
سمیع الدین افغانی
جناب افغانی عزیز ، بازهم سروده زیبا مانند همیشه عالی و با احساس است . موفق باشید. مهدی بشیر
ډیر ښکلی او په زړه پورې افغانی صیب ، جور اوسی.