زورور
د مولانا ډاکـټـر محمد سعید « سعید افغانی » لیکنه
زورور
دنشر نیټه ۲۲ مارچ ۲۰۱۲ میلادی
ډیر زورور دی.
زیات قدرت او توان لری.
مال ، هستی ، سره او سپین ئی هم زیات دی.
قوم او قبیل اولادونه ، ځایونه او ځمکی ئی هم ډیری دی.
ډیر مغرور او بی انصافه دی .
هرڅه ئی چی زړه غواړی ، کوی ئی .
د چا په زوریدلو نه زوریږی او نه په دی کښې چورت وهی چې خلک ولی بی موجبه وزوریږی.
اکثر د خلکو له حال او احوال څخه واقفیت نه لری او نه ئی په دی خوا پام لیدل کیږی، حتی لیا نه داسی زوریدل منې .
د ځانی خوښی ، صحنو او خبرو پسی ئی دوه غوږونه او دوه سترګی څلور دی څو چې همدومره چې د ده فکر په کښی لږ شانې ستومانه شې د اوریدو او لیدو د پاره ئی حاضریدی نشې .
ساعت تیری دپاره زیاته هڅه لری ، د خوراک او څښاک دپاره ښه سرشته برابروی او د توان څخه ئی هم پوره ده .
اشتها ئی ښه او صحت ئی جوړ دی .
د ښکار شوق لری او وسایل دتګ او راتګ ئی ښه دی.
متاسفانه هرڅه لری خو انسان نه دی او نه د انسانیت زړه او عاطفه په کښی لیدله کیږی!
افسوس نصیحت نه اوری او نه د وخت د ایجاباتو پروا لری !
واقعآ څومره چی دی د ټولنې او اجتماع څخه لرې دی، هغو مره اجتماع اوټولنه هم له ده څخه لری ده !
په ډیر جرئت باید ولیکم او ووایم :
وطن دوستان او دوطن خدمتګاران باید د دغه شانی عناصر و په مقابل کښې نه ستومانیدونکې مجادله جاری وساتی .
سعید افغانی
۱۳۵۰ هجری شمسی ـ کابل
دیدگاه بگذارید