فلک ته
دنشر نیټه : ۱۷ آگست ۲۰۱۲ میلادی هالند
فلک ته
******
نورمحمد غفوری
نورمحمد غفوری
نن د بیا شوندې زما په وینو سرې کړې
اې فلکه ته په ما دا څه کانې کړې؟
که زما د تودې وینې سرخی نه وی
رنګینه به د په څه شی اننګې کړې؟
دا خپل زور د په ما ازمویه او ګوره!
آخر ما به آزموده د زمانې کړی!
بیا به هم د سمندر غوندې ژوندون کړم
که له پاسه مې پر سر بلې لمبې کړی
د خپل نوی خیا ل نیشه مې را سره ده
پروا نکړی که د ورانې میخانې کړی
نر تندی به کله چاته ښکته نه شی
بې هـمـتو بــــه بتانــو ته سجدې کړی
دا زما د ارمانو سپرلی به راشی
ته که هر څومره د ژمی شپې اوږدې کړی
نورمحمد غفوری
دیدگاه بگذارید