۲۴ ساعت

۰۷ دلو
۱ دیدگاه

د ژوند بهیر

تاریخ نشر چهار شنبه هفتم  دلو   ۱۳۹۴ – ۲۷ جنوری  ۲۰۱۶ هالند


د ژوند بهیر
    سمیع الدین افغانی
ددریاب په دود بهیږی
د انسان د ژوند بهیر

مونږ د چا د خوب تعبیر یو
چې ټول عمر یو زهیر

خلک لاړل  تر کیهانه
لاره باسی تر اسمانه
مونږ  په خپلو کې  جنګیږو
بیا شاکی  یو د تقدیر

مونږ د چا د خوب تعبیر یو
چې ټول عمر یو زهیر

 ډیر وختونه په موږ تیر شول
فرصتونه لاړل  هیر  شول
لا تر څو په  اور  کې سوزو
هر ې ګړۍ   ناست یو په ویر

مونږ د چا د خوب تعبیر یو
چې ټول عمر یو زهیر

دلته جوړ مرګی  مرګی دی
څوک مو خپل څوک اجنبی دی
هیڅ خوښی دلته کې نشته
یو دردمند    په زړه  دلګیر

مونږ د چا د خوب تعبیر یو
چې ټول عمر یو زهیر

نه خواخوږی نه دلدار شته
نه زموږ څوک مدد ګار شته
 هرې خوا ته   ناچاری ده
پناه  غواړو له   قدیر

مونږ د چا د خوب تعبیر یو
چې ټول عمر یو زهیر

لا تر څو به محتاج ژوند وی
د پردو دا بد چلند وی
لږ همت مونږ ته پکار دی
یو قوت  شو  په تدبیر

مونږ د چا د خوب تعبیر یو
چې ټول عمر یو زهیر

ربه ته مو مددګار  شې
ته مو مل د ژوندپه لار  شې
مونږ له تانه امان غواړو
ته کریم  یې  ته  بصیر

مونږ د چا د خوب تعبیر یو
چې ټول عمر یو زهیر

*********
سمیع الدین افغانی
۲۷ – ۱ – ۲۰۱۶
م ۰ کال

 

یک پاسخ به “د ژوند بهیر”

  1. admin گفت:

    تشکر از دوست محترم سمیع الدین افغانی ، بازهم مانند همیشه سروده زیبا و خواندنیست. موفق وسلامت باشید. مهدی بشیر

دیدگاه بگذارید

لطفاً اطلاعات خود را در قسمت پایین پر کنید.
نام
پست الکترونیک
تارنما
دیدگاه شما