د سولې او آزادی کمسیون اعلامیه
تاریخ نشرپنجشنبه ۴ اپریل ۲۰۱۳ هالند
بسم الله الرحمن الرحیم
دافغانستان لپاره دسولی اوآزادی کمسیون
Die Kommission für Frieden und Freiheit in Afghanistan
د سولې او آزادی کمسیون اعلامیه
د اپریل دوهم ـ ۲۰۱۳ م کال
د اوربند اړتیآ
په وروستیو میاشتو کې د سولې په استقامت هلې ځلې چتکې شوې . هغه سره جوخت جګړه ایز تحرکات زور موندلې چه په ترڅ کې ېې یوازی په تیرو میاشتو کې په سلګونو افغانان ژوبل یا وژل شوې دی : د جګړې د تعاملاتو له مخې د جګړی اړخونه زیار باسی چه د جګړی د فشار په بنست باندې په راتلونکې مذاکراتو کی اغیز واچوی.
هر څومره ژر چه د سولې پروسه پلې شی هغومره د بشری او غیر بشری زیاتی تلفاتو مخه نیول کیږی .
د سولې او آزادی کمسیون هغه هلو ځلو ته هرکلی وایی چه د جګړې د اړخونو له خوآ د سولې په مقصد تر سره کیږی . وسله والو مخالفینو (طالبان ، حزب اسلامی ) ته د یو دیالوگ رسمی مرکز د درلودلو حق د نړیوال نظامی ائتلاف د واقعبینی او د سولې د داعیی د ملاتړ نشه ده . مقاومت سره د یوه رسمی مرکز د چینل د لاری د خبرو اترو پیل د بل هر وخت په پرتله دا اطمینان پیاوړې کړی چه د افغانستان ناورین یوازې د خبرو اترو د لارې پای موندلې شی .
د سولې او آزادی د کمسیون په اند د خبرو اترو د اجندآ په سر کی باید « اوربند » قرار ولری . د اوربند مخکنی شرط هم دا دی چه وسله وال مقاومت پدې باندې داد ترلاسه کړی چه د امریکا جګړه ایز سیاست سولې خواته لیوالتیآ موندلې ده . پدغه برخه کې امریکا د خپل حسن نیت د ښودلو په مقصد باید د مقاومت بندیان خوشې کړی. بیګنا او بې دفاع بندیان باید د مذاکراتو په پروسه کی د چانه وهلو په لاسوند بدل نشی. مخکی د رسمی خبرو اترو نه د ګوانتانامو نه بندیان خوشې کول ، دا پیغام ځان سره درلودلای شی چه امریکا د جګړې د دوام اراده نلری او په خپله ژمنه « وروسته له دی موږ د افغانستان دمسلح مخالفینو (طالبانو اوحزب اسلامی ) سره جګړه نه کوو … » ولاړ ده . پدې حالت کې یقینآ خبرې اترې افغانستان ته سولې ور په برخه کولای شی . انشآالله .
اوربند د ملګرو ملتونو تر سروالی لاندې د یو کمسیون له خوآ څارنه کیږی . په کمسیون کې د نړیوال سره صلیب ، بشری حقونو کمسیون (ملګرې ملتونو په تړاو ) ، اسلامی کانفرانس او د عفو نړیوال سازمان استازې به غړیتوب ولری . « پای »
دافغانستان لپاره دسولی اوآزادی کمسیون
Die Kommission für Frieden und Freiheit in Afghanistan
c/o. Dr. Abdul Wahed Ahadzada, Falterweg 1, 44799 Bochum
Email: shagnan1@yahoo.de
دیدگاه بگذارید