سپرلیه تا ته مو وې هیلې
     دې ښکلاوو ، رنګینیو او خوښیو هیلې
    مینه کې نغښتې دې امنیت
    او پرېمانیو هیلې
    څنګه سپرلی ئې ته ؟!
    چې توپانونه ، سېلابونه او ستم لوروې
    د سېمرغ ځالې او بچیو باندې بم لوروې
    دې ملالۍ زیارت ړنګ شوی ، دې ایوب بچیو!
    دې خوشحال خان او دې رحمان بابا عـزت وساتئ
    چا مو عزت ، چا مو تاریخ ولې هستۍ واخېستې
    دې بل په لمسه ئې زموږ د خـولې مړۍ واخیستې
    تا ته دې هیلو او دعاوو لپې پورته نیسو
    په مونږه مه پلوره دوینو سېلاب
    په ډالري لوړ قېمت !؟

                                                      ظفرخان "اهتمام"