|
د لغمان سرې مياشتې د رضاکارانو ۲۰۱۱ کال ولمانځه |
|
عزيزالرحمن ذکي
د لغمان سرې مياشتې د رضاکارانو
۲۰۱۱ کال ولمانځه
دنشر نیټه ۲۰ / ۹ / ۱۳۹۰
هغه غونډه چې
په همدې موخه د لغمان د سرې مياشتې په انګړ کې د ۱۳۹۰ کال د ليندۍ د مياشتې په ۱۳
مه نېټه جوړه شوې وه د کلام الله مجيد د څو مبارکو ايتونو ترتلاوت وروسته الحاج
ډاکټر عبدالغفار رسولي د لغمان د سرې مياشتې رييس مېلمنو ته د ښه راغلاست ويلو
ترڅنګ د نړېوال فدرېشن اونړېوال سره صليب څخه مننه وکړه چې د رضاکارانو په تربيه
او وياړلو کې يې ورسره مرسته کړې، ورپسې الحاج محمد اقبال سعيد د ختيځې حوزې د
همغږئ رييس په ټولنه کې د رضاکارانو په رول
په تفصيلي توګه خبرې وکړې او هم يې د غړېتوب په سېستم کې ټولو رضاکارانو ته
د ګډون بلنه ورکړه او ددوی رول يې پکې مهم و ارزوو.
بيا الحاج محمد شيرين د لغمان ولايت د مقام د اداري
او مالي رييس د مقام په نماينده ګي خبرې وکړې، رضاکارانو ته يې د مبارکي ترڅنګ
ددوي بشردوستانه فعاليتونه وستايل، ورپسې
د لغمان د عالمانو د شورا او د
عدليې رييس مولوي عبيدالله الکوزي هم په
خپل وار رضاکارانو ته مبارکي ورکړه او ددوي ستاينه يې وکړه چې خپل فعاليتونه يې په
علمي،.ټولنيز او فرهنګي ډګر کې د سرې مياشتې د اووه ګونو اصولو په چوکاټ کې ترسره
کړي، نوموړي له سره صليب او فدرېشن څخه وغوښتل چې د رضاکارئ د روحي په تقويه کولو
او رضاکارانو ته دې پوره پاملرنه وکړي ترڅو سره مياشت تردې هم ښې لاسته راړونې
ولري، د غونډې د لاښکلا لپاره د ځوانو رضاکارانو د کلوپ د ترانې ټيم نوبت واخست او
د لغمان دسرې مياشتې د اداري او مالي عمومي
مدير الحاج عبدالرحيم روان جوړه کړې
ترانه يې په خوږو اوازونو زمزمه کړه چې د غونډې برخوالو له لوري په چکچکو
بدرګه شوه، شاعر او ويونکي يې دواړه وستايل، تردې وروسته د لاتري ټيکټونو پروګرام
پيل شول چې يو تن خوش چانس ته پکې جايزه را ووتله، بيا د لمړنيو مرستو د رضاکارانو
له لوري تمثيلي پارچه وړاندې شوه، په اخر کې د ځوانو رضاکارانو د کلوپ په اتو تنو
ښوونکو تقديرنامې ووېشل شوې او غونډه ددعايې په لوستلو سره پای ته ورسېده.
عزيزالرحمن ذکي
دځوانو رضاکارانو د روزنيز کلوپ مشر
|
