.
spacer
مطالبی که در این صفحه نشر میشود عقاید نویسنده گان محترم آن است و نظر ۲۴ ساعت نمیباشد.
 
spacer
spacer
صفحه اول
افغانستان
سیاسی
تبصره بر خبر
معرفی چهره های فرهنگی
کتاب و کتابدوستان
مقالات جالب و پژوهشی
گفتگو ها
بیان حقایق
مسایل جهان و منطقه
طنز،نورانی ،ترجمان، بشیر
نمایشنامه ها
طنز
کارتونهای هژبر شینواری
آثار هنری بشیر بختیاری
باچه آزره تقدیم میکند
داستان
دنیای شعر و شاعران
اشعار حاجی محمد کاظمی
اشعار مرحوم استاد صابر هروی
اشعاراستاد غلام حیدر یگانه
اشعار قیوم بشیر
اشعار حشمت امید
اشعار انجنیر حفیظ اله حازم
اشعار نورالله وثوق
اشعار سجیه الهه احرار
اشعار فریده اکبری
اشعار صالحه وهاب واصل
اشعار محمد اسحاق " ثنا "
اشعار خواجه عبدالله احرار
اشعار نعمت الله پژمان
اشعار ودود فضلی
اشعار زهره صابر «هروی»
اشعار ظفر خان " اهتمام "
اشعار همایون شاه عالمی
اشعار و نوشته های سید محمد اشرف فروغ
جوانان
کودکان و نوجوانان
از دفتر خاطرات
معرفی کتابهای جدید
فرهنگ مردم
لهجه ها و اصطلاحات محلی
با کشور تان آشنا شوید
به مشکلات مردم توجه کنید
نقد بر کتاب ،مقالات، فلم و..
زن و زندگی - زن و مشکلات
جالب و خواندنی
مشاهیر جهان
هنری و فرهنگی
گزارشهای ولایتی
مطالب انتخابی و ارسالی شما

دوستان و نویسنده گان گرامی!

درصورتیکه خواسته باشید نوشته های تان در این سایت نشر شود میتوانید بعد از تیپ کردن آنرا از طریق

Word

به این ایمیل آدرس

mehdibashir@gmail.com

بفرستید

سایت ۲۴ ساعت از شما و در خدمت شماست.

استفاده از مطالب سایت ۲۴ ساعت با ذکر مأخذ آن آزاد است و ممانعتی ندارد

سایت ۲۴ ساعت را به دوستان تان ایمیل کنید تا آنها هم در مورد آن اظهار نظر کنند

قابل توجه نویسنده گان محترم !

مطالبی که برای نشر میفرستید و میخواهید که بنام مستعار نشر شود بهتر است خود را برای سایت ۲۴ ساعت معرفی کنید تا نوشته تان طبق میل تان نشرشود.

 

 
«داغلي زړونه» شعرې ټولګه دچاپه راووته !

  «داغلي زړونه» 

شعرې ټولګه دچاپه راووته !

۲۰ - ۴ - ۱۳۹۰ 

Image 

«داغلي زړونه» د هيواد دتکړه شاعر او ليکوال ښاغلي سميع الدين «افغاني »نوې شعري ټولګه چې   زموږ  د هيوادوالو د داغلي زړونو،  هيلو او ارمانونو يوه وړه شانې بيلګه ده   د چاپه راووته ٠

پدغې شعري ټولګې   دهيواد    نامتو علمي  شخصیت  ښاغلي  څېړندوی حبيب الله« رفيع  »صیب  یوه ښکلې سریزه  لیکلې ده او همدارنګه  دوطن پيژندل شوې ليکوالې اوشاعرې ،اغلې «زرلښت حفيظ »چې زموږ د هيواد د ښځودنهضت يـــــوه با تور ه  او په هيواد مينه شاعر ه  اوليکواله   ده د «داغلي زړونه» تر سرليک ليکنه  کړې د ه٠

پدغې  شعري ټـولګې د هیوادشاعر او ليکوال  ښاغلي افضل« ټکور» صیب  هـــم  د   ( زه دوهم يم ) تر سرليک ليکنه  کړې اوپه اوسني عصر کـــې په کتابو نو د  د سریزو د ليکلو اود افغاني صیب د شاعر ی په اړه یې خپل نظر څرګند  کړی دی٠

دغه شعرې ټولګه په ښکلي د يزاين او ثقافت د اسد دانش دکتاب چاپولو دموسسې له خوا په ښکلي بڼه دچاپه راووته ٠

موږ« افغاني » صيب ته د هغه دنوي اثر دچاپ مبارکي وايو اوهغه ته د لوی خدای له درباره د ليا برياوو او اوږد عمر هيله کوو٠

په درنښت

د حق دلارې کلتوري ټولنه

اود افغان سـتراتیژیکوڅیړنو مشرتابه

دښاغلي سميع الدين« افغاني» په نوی شعري ټولګې دهيواد  د نامتو علمي  شخصیت  ښاغلي  څېړندوی «حبيب الله «رفيع  » صیب  سریزه:

دا عادت دی چې له درده زګيروي خېژي

ګڼه څه وو د رحمان له شاعرۍ

"رحمان بابا"

ښاغلی سميع الدين« افغاني» همداسې دردېدلی او ځورېدلی افغان دی چې د ده د نوې ځوانۍ په تاند پسرلي کې د ده هيواد د پـــــرديو د ګوليو د ږليو ښکار شو او د د ه آرام او د بشپړ امنيت په غېږه کې اوسېدلی ملت د نا آرامۍ او جګړو غېږې ته ولوېد او راز - راز بدبختيو او بدمرغيو دې هيواد او دې ملت ته خولې خلاصې کړې.

د همدې تـــــودوجګړو پر وخت دی د لوړو زده کـــــړو لپاره لـــــه هېواده بهر لاړ، په دې هيله چې مسلکي زده کړې وکړي او بيا د هيواد د آرامۍ او د خپل اولس د هوسايۍ په لاره کې خدمت وکړي خو چې بېرته راستون شو جګړې نورې هم خونړۍ شوې او د هيواد نا آرامۍ نورې هم زياتې شوې وې.

«افغاني» دراک، حساس او دردمند افغان ؤ دې ټولو پېښو يې په زړه او ضمير، په وجدان او احساس ژور اغېز کاوه او د ده دردونه يې زياتول تر دې چـــــې د دې پېښو توپاني سيلاب دی هم ورسره واخيست او د مهاجرت په بې سره او بې لوري کاروان کې يې المان ته ورساوه.

د هيواد او د ده د ملي ژوند دا ټول دردونه ډېر درانه شول، د ده په حساس احساس يې فشار راوړ، له زغمه يې ووتل، زګيروي شول او دا زګيروي يې د شعر په بڼه له خولې راووتل او په دې ترتيب يې د دردمن او ويرمن شعر لړۍ راپيل شوه.

ښاغلي سميع الدين« افغاني» د خپل ژوند هـــــرې خوا ته متوجه شو او د هيواد د دردونو او غمونو په هره برخه يې رڼا واچوله او په شعر کې يې انځور کړې. ده د خپلې طبعې څپانده شعري چينه همداسې طبيعي وساتله او له دې چينې نه لاس ته راغلې شعري څاڅکي يې په همهغه بڼه د کاغذ مخ ته ورسول او خپل شعرونه يې بې ساخته باخته په بېلابېلو ټولګو کې تنظيم کړل او موږ ته يې راورسول.

د ده شعرونه د ده دردمنو هېوادوالو په مينه واوريدل او افغاني هنرمندانو د ساز له څپو سره مله کړل.

د« افغاني» صاحب په شعرونو کې له اجتماعي دردونو سره - سره د مينې سويې نغمې هم شته او د سوي هيواد رنګين يادونه هم او له دې سره د ده په شاعرۍ کې د ادبي رنګينيو پر ځای د هدف بيانولو ته زياته توجه شوې او د خپل زړه رازونه يې د رمزونو له پوښ نه بهر په صراحت او څرګندو لفظونوبيان کړي دي. ښاغلی« افغاني» له هيواده ليرې خو دهيواد يادونو له هيوادسره نژدې ساتلی او د هغه ظالمانو په لټه دی چې زموږ پر وطن يې ماتم راوستی دی:

په وطن موجوړ ماتم دی

تورتمونو کې مو شپې دي

دا د کوم ظالم له لاسه

چې ظلمونو کې مو شپې دي

***

ګران وطن راته سور اور شو

د دوزخ لمبې ترې خېژي

بل محشر ته حاجت نشته

قيامتونو کې مو شپې دي

دا د کوم ظالم له لاسه

چې ظلمونو کې مو شپې دي

***

له دې سره زه  خپلې خبرې رانغاړم، افغاني صاحب ته د ژوند کاميابۍ او کامرانۍ غواړم !

په درنښت

څېړندوی حبيب الله« رفيع»

کابل، درېم پروان

۲۰/ ۲ / ۱۳۹۰

 
 

مؤسس و مسؤول
سایت
محمد مهدی بشیر

سال تأسیس

۴ میزان ۱۳۸۶

  خورشیدی

26  سپتامبر 2007

  میلادی

Tel:0031644388706

spacer

spacer