یوه چیغه یم، فریاد یمه، غزل یم
تاریخ نشر چهار شنبه ۱۸ قوس ۱۳۹۴ – نهم دسامبر ۲۰۱۵ هالند
نور محمد عفوری
د ښایست په ګلســـتان دې مســت بلبل یم
فرق یی نشته په (ماربورګ) که په (کابل) یم
عــاشقۍ کې زړه نــا زړه نه یم محبوبې
د فـــرهـاد او د مــجــنون پــه تسـلســل یــــــم
سر تـر پښو نه ډک د مینې د احساس یم
ســــرغـــندوی د عــــاشـقانـــو د محـــفل یـم
بی له تـــانه، یـم نیـــمګړی ژونـدانـه کې
ســــتا تــر څـنــګه مســتغـنی یـــم، مکــمل یم
د بـــــازار د مـینې (لــــنډه کـیسه) نـه یم
د رښـتیـــنی محـــبـت بــــشـپړ (نــــاول) یـــم
ســتا د مینې له احــساس په زړه ډاډه یم
ســـر مې لــوړ د عـشق او مـینې یـو مودل یم
په پــردیـو مـــلکو ډیــــر یـم ګــرځیدلی
خــو پـه فکـــر او پــه خــیال د وطن خــپل یم
د نــــاکامـــو او کامــــیابـو عــاشقـــانـو
یــــوه چـــــیغه یــم، فــــریاد یـمـــه، غـزل یم
امـــتـیاز تـــه پـه آخر صف کې دریـږم
خـو چې ځــای د ســـــرښـــندنې وی، اول یم
زه د تـــیرو حادثــو په نغری پوخ شوم
نـــــوی شـــوی ځـم، پـــه لار د مسـتـقـبل یـم
د ظـــالم او کــــبرجــن او دیکتاتور نه
نـــه ویــریـږمــــــه، د خــــدای پــه توکل یم
چې یـــادونه او فکـــرونه د حـسـین کا
(غـــفوری) د تا د خـیال د ټـټـر ګل یـم
۲۱/ ۸/ ۱۳۹۴
برابر است با ۱۲.۱۱.۲۰۱۵
درود به جناب آقای نور محمد غفوری ، بازهم سروده عالیست. موفق وسلامت باشید. مهدی بشیر